ပျိုးပင်

ကျွန်တော်ရဲ့ နောက်ဆုံးပျိုးပင်တစ်ပင်ပေါ့။ တောက်မည့် မီးခဲ ရဲရဲဆိုသလို နှစ်စဉ် မပျက် စွမ်းဆောင်မှုများနှင့်အတူ ဒီနှစ်လည်း စွမ်းဆောင်လာသည့် သားငယ်ပိုင်ပိုင်အား ဤပိုစ့်ဖြင့် အမှတ်တရဂုဏ်ပြုလိုက်ပါတယ် ..

Twitter လက်နက်နှင့်ရခိုင်ကို ကယ်တင်ကြပါစို့ တိုဟူး တိုဟူး

ဒီနေ့ မြန်မာ့အလင်းသတင်းစာမှာ Twitter အကြောင်း ဆောင်းပါးတပုဒ်ဖတ်မိတယ်။ နိုင်ငံတကာမှာFacebook -Twitter-viber- Instagram တို့ဟာ လူသုံးများတဲ့ လူမှုကွန်ရက်တွေဖြစ်ပေမယ့် ကျွန်တော်တို့ မြန်မာနိုင်ငံမှာတော့ Facebook တစ်ခုတည်းကိုသာ လူသုံးများပြီး ကျန်တဲ့ဆိုရှယ်နက်ဝပ်တွေကိုတော့ အသုံးနည်းပါး တယ်တဲ့။ မှန်တာပေါ့ဗျာ။ facebookတောင် ဖုန်းထောင့်ငါးရာတန်ပေါ်လာလို့ လူတိုင်းသိလာတာ။ နှစ်ဆယ် သုံးဆယ်တုံးကဆို ဘာမှန်းတောင် မသိပါဘူး။ နားမျက်စိပိတ်ထားလိုက်တာ ဖင်တစ်ပေါက်ပဲ ကျန်တယ်။ ဒါတောင် အဲဒါပါ ပိတ်ရင် သူတို့အတွက် ယို ကုန်ကြမ်းပြတ်မှာစိုးလို့ ဟီးဟီး-ထားပါ။ Twitterဟာ အနောက်နိုင်ငံတွေနဲ့ နိုင်ငံတကာမှာ facebookထက် ပိုပြီး အများဆုံး အသုံးပြုကြတယ် လို့ဆိုပါတယ်။ နိုင်ငံတကာမှာ အသုံးများတဲ့ Twitter ကိုတော့ မြန်မာနိုင်ငံကလူ တွေ အသုံးပြုနှုန်း အလွန်နည်းနေတဲ့ အကျိုးဆက်က နိုင်ငံတကာကလူတွေအနေနဲ့ Twitter ပေါ်က မြန်မာနိုင်ငံနဲ့ဆိုင်တဲ့ မမှန်သတင်းတွေကို အမှန် ထင်နေကြတာသူတွေ များပြားနေပါတယ်လို့ ဆိုပါတယ်။ ဒါကြောင့် မြန်မာနိုင်ငံနဲ့ပတ်သက်ပြီး ကမ္ဘာမှာ ပြန့်နှံနေတဲ့ မမှန်သတင်းတွေကို ချေဖျက်ပြီး သတင်း အမှန်တွေ အစားထိုးနိုင်ဖို့ Twitter ကိုလည်း သုံးနိုင်သူတွေအနေနဲ့ သုံးကြဖို့ လိုအပ်နေပါပြီ။ တခုတော့ရှိတယ်။ twitterက facebookလို မြန်မာစာမရပါဘူး။ အင်္ဂလိပ်စာဘဲ ရတယ်။ မပူပါနဲ့ ။ မီးကျိုးမောင်းပျက် အင်္ဂလိပ်စာ ရရင် ရပါပြီ။ မြန်မာပြည်မှာ ပေါမှပေါ။ ဘာဖြစ်လို့လည်း ဆိုတော့ စကားလုံး နည်းနည်းနဲ့ လိုရင်း တိုရှင်း(စာလုံးရေ ကန့်သတ်ထားလို့) စာအတိုအစဘဲ တင်ခွင့်ရပါတယ်။ bbc .rfa .voa .aljazeera သတင်းဌာနများကလည်း အဲဒီ twitter သတင်းတွေဘဲ အခြေခံပြီးရေးကြပါတယ်။ ထောက်ပံ့ကြေး နင့်နေတော့လည်း ဘက်လိုက်တာလည်း ပါတာပေါ့။ ကဲကဲ ဒါကြောင့် မုသာဝါဒ မမှန်သတင်းတွေကို ချေဖျက်ဖို့ ရခိုင်အရေးကို Twitterသုံး၍ ကယ်တင်ကြပါစို့။

#နားမလည်သူကိုရှင်းပြပါလား***

၁၉၆၂ ခုနှစ် တော်လှန်ရေးကောင်စီ စစ်အစိုးရ တက်လာပြီးနောက် ပုဂ္ဂလိကပိုင်ပစ္စည်းများကို ပြည်သူပိုင်ပစ္စည်းများ အဖြစ် သိမ်းဆည်း နေသည့် ကာလတွင်ဖြစ်သည်။ တရက်တွင် ကားအသိမ်းခံရသည့် ပိုင်ရှင်ထံသို့ ကားကို ဦးဆောင်သိမ်းယူသွားသော ပုဂ္ဂိုလ်ကြီး ဒေါနဲ့မာန်နဲ့ ရောက်လာသည်။ ပိုးလုံချည်၊ ပိုးအင်္ကျီနှင့် ပွဲထိုင်သွားမည့်သူကဲ့ သို့ ဝတ်ဆင်ထားသော်လည်း သူ၏ မျက်နှာမှာ နီမြန်းနေပြီး ဒေါသထွက်နေဟန် ရှိသည်။ ကားအသိမ်းခံရသည့် ပိုင်ရှင်မှာ ဘာများထပ်မံ အသိမ်းခံရဦးမလည်း စိုးရိမ်နေမိသည်။ မည်သို့မျှ ဝင်မပြောဘဲ ကြောင် ကြည့်နေမိ၏။ "ဟိုနေ့က ကျုပ်တို့ သိမ်းယူသွားတဲ့ကားက ခင်ဗျား ကားလား ? " "ဟုတ်ပါတယ် ဗိုလ်ကြီး လာထိုင်ပါ-ထိုင်ပါ ဗိုလ်ကြီး" ဗိုလ်ကြီးဆိုသူမှာ ထိုင်ရန် ဖိတ်သည်ကို မထိုင်ဘဲ အသံကျယ်ကျယ်ဖြင့် ဆူပူစကား စပြောလေတော့သည်။ "တနေ့က ဆိုင်ကို သိမ်းတုန်းက ခင်ဗျားအပ်တဲ့ ကားမှာ အပိုဘီးမပါဘူး- ခင်ဗျား ထိန်ချန်ထား ခဲ့တယ်- အခု လမ်းမှာ ဘီးပေါက်နေတယ်- ခင်ဗျား ခိုးထားတဲ့ ဘီးကို အခုအပ်ပါ" ဟုဒေါနှင့် မောနှင့် ပြောလေသည်။ ကားပိုင်ရှင်က "ကားမှာ အပိုဘီးပါပါတယ်- ဘီးငါးဘီး အပ်ခဲ့ပါတယ်- ဒီကားမျိုးက အပိုဘီးကို နောက်ခန်းမှာ မထားဘဲ ကားရဲ့ ဖလိန်အောက်မှာ ဘီးအိမ်နဲ့ ထည့်ထားလို့ မမြင်ရတာပါ´ ဟု ရှင်း ပြသည်။ "ကားကို သိမ်းတုန်းက ဘာလို့ မရှင်းပြတာလဲ. အဲဒီတုန်းက ရှင်းပြထားရင် ကျုပ် ဒီပြဿ နာ မတက်ဘူး" " အခု ဘယ်လို ဖြစ်တာလဲ ဗိုလ်ကြီး" "မင်္ဂဆောင် ဧည့်ခံပွဲသွားဖို့ နောက်ကျနေလို့ မိန်းမက ဆူဆူပူပူလုပ်နေပြီဗျ -" ဟုအသံကျယ်ကျယ်ပြောကာ အနီးရှိ ခွေခြေခုံကို ခြေဆောင့်ကန် ထွက်သွားလေသည်။

#အတုယူစရာ

ဖွင့်ဖြိုးတိုးတက်တဲ့ နိုင်ငံတွေကို ကြည့်ရင် ချမ်းသာတာတွေ မပြောနဲ့ သူတို့ရဲ့အပြုအမူ အမူအကျင့်တွေကိုက စံနမူနာ ယူစရာကောင်းတယ်လို့ ပြောချင်တယ်။ ဒီနေရာမှာ တိုဟူးက နိုင်ငံခြားရောက်ဖူးသလိုလို ဆရာကြီးစတိုင် ပြောတယ် မထင်နဲ့။ နိုင်ငံခြားဆို ခွေးတိုးပေါက်ကဝင်ပြီး နယ်စပ်ပင် ခြေမချ ဖူးပါဘူး။အထင်ကြီးစရာပဲနော်။ ဘာပဲ ဖြစ်ဖြစ် ယခုအကြောင်းအရာက အွန်လိုင်း ကမြင်တွေ့ရအကြောင်း ပြောပြမှာပါ။ ပြီးခဲ့တဲ့ကမ္ဘာ့ဖလားဘောလုံးပြိုင်ပွဲမှာ ဂျပန်အသင်းနဲ့ဂျပန် ဘောလုံးပရိသတ်တွေရဲ့ အပြုအမှုတွေက အထင်ကြီးလေးစားစရာ ကောင်းလွန်းလို့နိုင်ငံတကာ မီဒီယာတွေက ဖော်ပြခဲ့ပြီး ကမ္ဘာကျော်သွားခဲ့တယ်။ ဂျပန်ဘောလုံးပရိသတ်တွေဟာ ပွဲစဉ်တစ်ပွဲ ပြီးဆုံးတိုင်း ပြီးဆုံးတိုင်းမှာ ပွဲကြည့်စင်ပေါ်က အမှိုက်တွေကို တစ်ပါတည်း လိုက်ကောက်သိမ်းပြီး သန့်ရှင်းရေး လုပ်သွားတယ်တဲ့။ ( ဒီနေရာမှာ တိုဟူးတို့ ပရိတ်သတ်တွေလို မဟုတ်လို့ နည်းနည်းတော့ သဘော မကျချင်ဘူး။ တိုဟူး ပရိတ်သတ်တွေက ပုလင်ခွံ ဘူးခွံ ပလပ်စတစ်ကောက်စားပြီး အသက်မွေးဝမ်းကျောင်းပြု သူတွေ အတွက် ကိုယ်ချင်စာပြီး သဘောထားကြီးစွာ ထားပစ်ခဲ့တာပါ။ ပလပ်စတစ်ခုံလေးတောင် အလွယ်ယူရအောင် ရိုက်ချိုးပေးခဲ့သေးတယ်။ ဘယ့်နဲ့ဗျာ အဲဒီ ဂျပန်ပရိတ်သတ်တွေက ကိုယ်ချင်း မစာနာသလို စိတ်ကောင်းလည်းမရှိလို့ ပြောရမယ်။ အနောက်တိုင်းသားတွေ လေသံ voaလေသံ bbcလေသံ rfaလေသံမျိုးနဲ့ ပြောရရင် ဒါ လူ့အခွင့်အရေးခ်ျိုးဖေါက်တာပဲဗျ။ ကမ္ဘာ့လူ့အခွင့်အရေးကို စာတိုစာရှည်ရေးပြီး တိုင်သင့်တယ်။ဟိးးး) ထို့အတူ ဂျပန် ဘောလုံးအသင်းဟာလည်း ပရိတ်သတ်နည်းတူ သူတို့ရဲ့စည်းကမ်း ကောင်းမှုကို ပြသခဲ့ပါတယ်။ အုပ်စုတက်ပြီး ရှုံးထွက်အဆင့်မှာ ဘယ်အသင်းကိုလည်း မသိဘူး ရှုံးနိမ့်ပြီးပြိုင်ပွဲက ထွက်ခဲ့ရတယ်။ ဒါပေမဲ့ ဂျပန်အသင်းဟာ သူတို့ရဲ့ အဝတ်လဲခန်းကို ပြောင်လက်နေအောင် သန့်ရှင်းရေး လုပ်သွားခဲ့တယ်လို့ ဆိုတယ်။ (ဒီနေရာမှာ တိုဟူးတို့နဲ့တူညီပါတယ်။ အမြင်မတော်တာတွေ အကုန်ဖြုတ်သိမ်းပြီး အိမ်အရောက်သယ်လာပေးခဲ့တယ်။ ဘောရှုံးလို့ စိတ်တိုတိုနဲ့ကန်ပစ်လိုက်တဲ့ ပစ္စည်းအကျိုးအပဲ့တော့ ထားခဲ့တယ်။) ယခုမူဗီလေးကတော့ ကနေဒါကလို့ ဆိုတယ်။ အွန်လိုင်းက ဒေါင်းထားတာပါ။ မိတ်ဆွေတို့ကို မြင်တွေ့စေချင်လို့ မရှိမဲ့ ရှိမဲ့လေးနဲ့ဒေါင်းထားရတာဗျ။ ကြည့်ပါဦး။ ဆန်းဆန်းပြားပြားတော့ မဟုတ်ပါဘူး။ ကျောင်းကားနဲ့ လမ်းမှပေါ်သွားလာနေတဲ့ ကားများရဲ့အပြုအမူကိုကြည့်ပြီး လေးစားအတုယူစရာ ကောင်းတယ်ဆိုတာ ပြချင်လို့ပါ။ ကျောင်းသားများတင်ဆောင်လာတဲ့ ကျောင်းကားဟာ လမ်းဆုံမှတ်တိုင် အနီးဆင်းမည့် ကျောင်းသားများအတွက် တဖက်လမ်းဆုံ လမ်းအလယ်မှာ ပိတ်ရပ်လိုက်တယ်။ ပြီး ကျောင်းသားများအတွက် လမ်းအန္တရာယ်ကင်း အတားအဆီးအဖြစ် ကားရှေ့မှာပါတဲ့ မောင်းတံနဲ့တားလိုက်တယ်။ ကျောင်းသားလေးများ ကားပေါ်မှဆင်းချိန်မှာ လမ်းမပေါ်မှာရှိနေတဲ့ အခြားကားများဟာ လက်တလောရောက်ရှိနေတဲ့ နေရာမှာ တန်းစီ ရပ်တန့်နေကြတယ်။ ဘယ်ကားမှ ဟွန်းတီးပြီး လမ်းတောင်းခြင်း မရှိဘူး။ ကျော်တက်ခြင်းဆိုတာ ဝေလာဝေးပါပဲ။ ကျောင်းသားများရဲ့ ဘယ်မိဘ တစ်ဦးတစ်ယောက်မျှ ထွက်ကြိုသည်လည်း မတွေ့ရ။ ( ဒီနေရာမှာလည်း ကျုပ်တို့ဆီက မိဘတွေနဲ့ တူပါဘိ။ ကျောင်းမဆင်းခင် တစ်နာရီ အလ်ိုကတည်းက ဖုန်းလေးပွတ်ပြီး ကျောင်းပေါက်ဝရောက်နေတယ်။) ကျောင်းသူ ကျောင်းသားများကလည်း တစ်ဦးချင်းကားပေါ်မှ ဆင်ပြီး အေးအေးဆေးဆေး လမ်းလျှောက်သွားတယ်။ ကျောင်းသူ/သားတွေဟာ လမ်းမှာ ကားအသွားအလာ ရှင်းနေပေမဲ့ စည်းမဲ့ ကမ်းမဲ့ကားလမ်းမပေါ် ဆင်ပြီး လျှောက်သွားတဲ့သူ တစ်ယောက်မှ မပါဘူး။ သတ်မှတ်ထားတဲ့ လမ်းပေါ်က သွားတယ်။ (ဒါလည်း တိုဟူးတို့ သားသမီးတွေနဲ့ နင်လား နင်လားပေါ့။ဟိးး ။) ကျောင်းသူ/သားတွေလည်းကားပေါ်မှ ဆင်းသွားပြီ။ ကျောင်းကားလည်းဆက်လက် ထွက်ခွာသွားပြီ။ အဲဒါပြီးမှ အခြားရပ်ထားတဲ့ကားတွေက ကိုယ့်လမ်းကို မောင်းသွားကြတယ်။ ဒီအပြုအမူဟာ တိုင်းပြည်ရဲ့အညွန့်အဖူးတွေဖြစ်တဲ့ ကလေးသူငယ်ကျောင်းသားများရဲ့ အသက်အန္တရာယ်ကို တန်ဖိုးထားလေးစားခြင်း ပညာရေးကို ဦးစားပေးခြင်း ယာဉ်စည်းကမ်း လမ်းစည်းကမ်းကို လိုက်နာခြင်း ကလေးများ၏ ရပ်ရွာလုံခြုံရေးကို ယုံကြည်မှုရှိခြင်း တို့ကို ပြသတယ်လို့ မြင်တယ်ဗျာ။ ကဲ လူကြီးမင်းလည်း ပြောပါဦး။ To Hu 12:10pm

#ကကြိုးရှုပ်ခဲ့တဲ့ဘဝ

တိုဟူး တိုဟူး အချိန်တန်အရွယ်ရောက်လာတော့လည်း ဘဝဆိုတာ တိုတိုလေးပါလားလို့ တွေးရင်းငေးရင်း ကိုယ့်ကို ပြန်ဆန်းစစ်နေမိတယ်။ မပြောမဖြစ် ပြောချင်တာတွေလည်း များပါဘိ။ ပြောရင်း ပြောရင်းနဲ့ ကိုယ့်ပေါင်ကို ကိုယ်လှန်ထောင်းရမဲ့ အဖြစ်တွေက များနေသည်မို့ မပြောချင်ပါဘူး။ ဒါပေမဲ့ မနေနိုင်ပါဘူးပြောရမှာပဲ။ မှတ်မိတာတခုတော့ရှိတယ်။ ကိုယ်ငယ်ငယ်က ကိုယ့်ကို ဟုတ်လှပြီထင်ပြီး မှားယွင်းတဲ့ လုပ်ရပ်တွေ ဆုံးဖြတ်ချက်တွေကို ယနေ့အထိ မမေ့နိုင်တာတော့အမှန်ပါ။ မစဉ်းစားမဆုံးဖြတ်ခဲ့ပဲ လုပ်ခဲ့မိတဲ့အလုပ်တခုအတွက် မမျှော်လင့်ပဲ ဆုံးရှုံးမှန်းမသိ ဆုံးရှုံးခဲ့တာတွေ အမှားလုပ်ခဲ့တာတွေလည်း ဘဝတလျှောက် များမှများပါပဲ။ အဓိပ္ပါယ်မဲ့ပြီး အကျိုးမရှိတဲ့အလုပ်ကို လုပ်ခဲ့တာကိုတွေးမိလို့ တစ်ယောက် ထဲပြုံးလိုက်ရင်း အသံထွက်အောင်ရယ်(ရီ) လိုက်မိတယ်။ ဘာတဲ့=လမ်းစဉ်လူငယ် ရှေ့ဆုံးကကျွန်တော် ကြက်ခြေနီလူငယ် ရှေ့ဆုံးကကျွန်တော် မီးသတ်လူငယ် ရှေ့ဆုံးကကျွန်တော် အရံပါတီဝင် ရှေ့ဆုံးကကျွန်တော် တင်းပြည့်ပါတီဝင် ရှေ့ဆုံးကကျွန်တော် အစည်းအရုံးလူငယ် ရှေ့ဆုံကကျွန်တော် လုပ်အားပေးလူငယ် ရှေ့ဆုံးကကျွန်တော် အဲဒီလို ကိုယ့်ကို ဘဝင်လေဟတ်ပြီး ဥာဏ်တထွာတမိုက်လေးနဲ့ ဘာလုပ်ပစ်မယ် ညာလုပ်ပစ်မယ် ဗမာပြည်ကြီးတခုလုံးကို အလုံးစုံပြောင်းပစ်မယ်ဆိုပြီး ရူးရူးနှံးနှံးလုပ်ရပ်များကိုလည်း အခုချိန်မှာ တွေးမိပြီး ငါးခူပြုံးမိပါရဲ့။ ကျုပ်တို့ငယ်ငယ်တုန်းက ကျောင်းတွေမှာ မနက်တိုင်းညနေတိုင်း တကျောင်းလုံးဆိုခဲ့ဘူးတဲ့ သီချင်းရှိတယ် မဟုတ်လား။ မိမိကိုယ်ကို ကောင်းအောင်ကျိုးစားမည်။ မိမိအတန်းကို ကောင်းအောင်ကျိုးစားမည်။ မိမိကျောင်းကို ကောင်းအောင်ကျိုးစားမည်။ မိမိတိုင်းပြည်နဲ့လူမျိုးအတွက် ကောင်းအောင်ကျိုးစားမည်။ ဂတိလေးချက်ကိုမူတည် ဖွဲ့စည်းခဲ့တဲ့ကျောင်းကောင်စီ၊ အသင်းလေးသင်းဖွဲ့ကာအတည် ကျန်စစ်သားနဲ့ ဘုရင့်နောင် အလောင်းဘုရားနဲ့ ဗန္ဓုလ တဲ့အညီ။ ဆိုလား ဘာလား ညာလား။ ကျောင်းကိုရောက်လို့ အလံတိုင်မှာ နီဝါပြာစိမ်းနီ ကိုယ့်အသင်း ကာလာ ( အရောင်) ကျသည့်နေ့ဆို ကိုယ်တာဝန်ကျသည့်နေ့။ စိတ်ထဲမှာစွဲလို့။ စာသင်ရင်းနဲ့အသိစိတ်မှာစွဲနေတာက တိုင်းပြည်ဖွံ့ဖြိုးတိုးတက်ဘို့ဆိုတာ ပညာရေးကအဓိကဖြစ်တယ်။ ပညာတတ်အောင်သင်မယ်။ ကျောင်းဆရာဖြစ်အောင်လုပ်မယ် ဆရာဝန်ဖြစ်အောင်လုပ်မယ် အင်္ဂျင်နီယာဖြစ်အောင်လုပ်မယ် စစ်ဗိုလ်ကြီးဖြစ်အောင်လုပ်မယ် ရဲကြီးဖြစ်အောင်လုပ်မယ်။ ဒါပေမဲ့ ပညာရေးအမှောင်ခေတ်မှာ လူသားဖြစ်လာတဲ့ ကျုပ်တို့ မျိုးဆက်တွေ အများသိတော်မူကြသည့်အတိုင်း-- -မယောင်ရာ ဆီလူးတွေနဲ့ ကကြိုးတွေရှုပ်ခဲ့တယ် မဟုတ်လား။ ဆရာကြီး ဦးသုခရဲ့ဘဝသံသရာသီချင်းထဲကလိုပြောရရင် ဖြစ်ချင်တာတွေ မဖြစ်ရ မဖြစ်ချင်တာတွေ ဖြစ်ရတာပေါ့။ အဲ တတ်မြောက်လာတဲ့ ပညာနဲ့ ဆရာဝန်တွေ ဆရာဝန်အလုပ် တကယ်လုပ်ခဲ့ရသလား? အင်္ဂျင်နီယာတွေ အင်္ဂျင်နီယာအလုပ် တကယ်လုပ်ခဲ့ရသလား? ကျောင်းဆရာတွေ ကျောင်းဆရာအလုပ် တကယ်လုပ်ခဲ့ရသလား? မီးသတ် မီးသတ်အလုပ် တကယ်လုပ်ခဲ့ရသလား? ရဲ ရဲအလုပ် တကယ်လုပ်ခဲ့ရသလား? စစ်သား စစ်သားအလုပ် တကယ်လုပ်ခဲ့ရသလား? ပြောချင်တာက ကိုယ်နဲ့ဆိုင်ရာ ဆိုင်ရာအလုပ်ကို professional ဆန်ဆန် မလုပ်ခဲ့ကြရလို့ ကျုပ်တို့ ဓါးမ နောက်ပိတ်ဖြစ်နေကြတာ။ အဲဒီလိုထဲမှာမှ---ဟေ့ကောင် မင်းကောလို့ မေးမြန်းလာသည်ရှိသော် ဟုတ်ကဲ့ မရှက်မကြောက် ဝန်ခံပါတယ်။ ဆင်းရဲတွင်းထဲ နွံနစ်နေတာကို ကြည့်လို့။ ယခုအချိန်မှာမှ နောင်တ နောင်မှရနေလည်း ကျုပ်အတွက် နောင်တဟာ နေဝင်ဆည်းဆာဂိတ်ဝက နောင်တဖြစ်နေမှတော့းးးးးးးး ဟူး မောပါဘိ....... တိုဟူး တိုဟူး 11:30pm 2.12.2018 facebook တွင်တင်ခဲ့သောစာ

ဟွန်းသံလေးတချက် ကြားပါရစေ

"မမ" ရေ စာမရေးဖြစ်တာလည်းကြာပြီနော်။ ရေးခဲ့တဲ့စာများကလည်း အရည်မပါ အဖတ်မပါ အရူးလွယ်အိပ်ပါပဲ။ ဒါပေမဲ့ ဒီတစ်ကြိမ်တခါတော့ တဆတ်ဆတ်တုန်နေတဲ့ နှုတ်ခမ်းကြားကလျှံကျလာမဲ့ စကားလုံး လေးတွေဆိုတာ ယုံပါ မမရယ်။ စကားလုံးတွေမှာ သံစဉ်မညီညာခဲ့ဘူး ဆိုရင် မမနဲ့ပါတ်သက်ပြီး ဖြစ်တည်လာတဲ့ ရင်တွင်းဖြစ် စကားလုံးလေးတွေမို့ ခွင့်လွှတ်ပါလို့ ပြောပါရစေ မမရယ်။ ယခုတလော မမနဲ့ပါတ်သက်ပြီး တိတ်ဆိတ်နေမိတယ်ဆိုရမှာလား အထီးကျန်နေတယ် ပြောရမှာလား မသိပါဘူး။ တရက်မှာ မမဆီက စာလေးတစ်စောင်ရောက်လာတယ်။ လမ်းခွဲကြပါစို့ ဆိုတဲ့ နှတ်ဆက်စာလေးပေါ့။ မမရယ်.. မမနဲ့ တွေ့ဆုံ ကြုံခိုက် စတင်ကတည်းက အချိန်တန်ရင် ခွဲခွာခြင်းက ရောက်လာမှာပဲဆိုတာ ကျွန်တော်ကြိုသိထားခဲ့ပါတယ်။ ပြေးရင်းလွှားရင်းနဲ့ဘဝ ဆိုတာတိုတိုလေပဲနော်။ တကယ်တန်း ဆိုက်ဆိုက်မြိုက်မြိုက် ရောက်လာတော့လည်း နာနာကျင်ကျင် စူးရှရှပါလား မမရယ်။ သိုဝှတ်ထားရတဲ့ စိတ်ညစ်စရာတွေကို ဘေးဖယ်ပြီး ပျော်ရွှင်စဖွယ်ဟန်လုပ်ကြည့်ပြီး ဖြေသိမ့်နေခဲ့ရတာတွေလည်း ကိုယ့်ကို အသိဆုံးပါ။ ဒါပေမဲ့ အရသာမပါဘူး။ အပူရုပ်ပေမဲ့ ဟန်လုပ်ကာဖြေနေရတဲ့ ကျွန်တော့ဘဝကို မမလည်း သတိထားမိမယ် မထင်ပါဘူး။ စိတ်ထိခိုက်တဲ့အခါ ယုံကြည်ရတဲ့သူ ကိုယ့်ကိုနားလည်မှု ပေးနိုင်စွမ်းသူတဦးဦးကို ပွင့်ပွင့်လင်းလင်း ရင်ဖွင့်ချင်ပါတယ်။ နားလည်းပေးနိုင်တဲ့သူ နှစ်သိမ့်ပေးနိုင်တဲ့သူက ကျွန်တော်ဘဝမှာ မမပဲရှိတယ်လေ။ မမ ရယ်... မမ..ပစ်သွင်းလိုက်တဲ့ လမ်းခွဲကြပါစို့တဲ့ နှတ်ဆက်မြှားဟာ တစ်ချောင်းတည်းဆိုပေမဲ့ နက်ရှိုင်းလွန်းလို့ ရင်ထဲကဆွဲထုတ်ရ ခက်လှပါဘိ မမရယ်။ ချစ်ခင်ပေါင်းသင်းဆက်ဆံခြင်းက ကွေကွင်းနောက်ဆုံး ရှိသည် ဆိုသော မြတ်ဗုဒ္ဓရဲ့ဟောကြားခဲ့မှုကို နာယူမှတ်ပွား ပုတီးအားထားနေလည်း မရတော့ပါလား မမရယ်။ လူ့လောကမှာ တွေ့ဆုံကြုံကွဲ ဆိုတာ ဖြစ်ပျက်နေကြ သဘောတရားတွေပါ။ ဒါတွေကို ကျွန်တော်သိပါတယ်။ နားလည်း လည်ပါတယ် မမရယ်။ ဒါပေမဲ့ မမရယ်.. ကျွန်တော့ ဘ၀တလျှောက်မှာ ချစ်ခင်သူတွေနဲ့ ခွဲခွာသွားခဲ့ကြတာ မနည်းပါဘူး။ ပထမဆုံး ကျနော် သိပ်ချစ်တဲ့ အဖေ။ အဖေဟာ ကျနော်တို့မိသားစုကို စောစောစီးစီး ခွဲခွာ သွားခဲ့တယ်။ ဒုတိယ ကျွန်တော့ကို သိတ်ချစ်တဲ့ အမေ။ နောက်...နောက်. ချစ်ချစ်ခင်ခင်ဖြစ်ပါလျှက် ရှင်လျှက်နဲ့..ခွဲခွာခဲ့သူတွေ.. သူတွေ.. ဒါပေမဲ့ ဒီတစ်​ကြိမ်​ ဒီတခါဟာဖြင့် မမနဲ့ ကျွန်တော်။ ဘယ်လိုပြောရမလဲ မမရယ်,.. ကျနော့်ဘဝထဲက ကြုံ​ ​တွေ့ခဲ့ရတဲ့ ခွဲခွာခြင်းတွေ များစွာထဲက. အခက်​ခဲဆုံးဖြစ်​နေရပြီလို့ ပြောရမလား မသိပါဘူး။ ဒီထက်​ အခက်​ခဲဆုံးအရာလည်း ရှိလိမ့်​မည်​ မထင်​ပါဘူး မမရယ်..။ ကျွန်​​တော့အတွက်​​ပေါ့​နော်​ ။ မမနဲ့ခွဲခွာဘူးခဲ့တဲ့ လူတိုင်း အတွက်​လည်း ခက်​ခဲလိမ့်​မယ်​လို့ထင်​ပါတယ်​။ တကယ်ပါ မမရယ်.. မျှော်လင့်စောင့်စားနေတဲ့ နေ့ရက်တွေ နီးကပ်လာသည်နှင့်အမျှ ခွဲခွာခြင်းဆိုတဲ့ ဝေါဟာရကို မမြင်ချင်တော့ဘူး .. မတွေးချင်တော့ဘူး။ နှတ်ဆက်ပါတယ်ဆိုတဲ့ အသံလည်း မကြားချင်တော့ဘူးဗျာ။ ဒီလိုပြောလို့ လူတွေက ပိုတယ်လို့ ပြက်ရယ်ပြု ကြပါလိမ့်မယ်။ ပြက်ရည်ပြု ရင် ပြု ကြပါစေ... မမနဲ့ ကျွန်တော် နှစ်ပေါင်းသုံးဆယ်ကျော် လက်တွဲလာခဲ့တဲ့ သံယောဇဉ်ကြိုးကိုမှ သူတို့ နားမလည်တာ.,. မခံစားတတ်တာ... ရှိပါစေ...မမရယ်။ ကျွန်တော်နဲ့ မမ အကြောင်း သူတို့သိအောင် အရင်ပြောပြလိုက်တော့မယ်နော် မမ... ကျွန်တော် တက္ကသိုလ်တက်ဆဲ နောက်ဆုံးနှစ်အရောက် ပညာရေး တဝက်တပျက်ပေါ့။ ကျေးဇူးရှင်အဖေကလည်း ဆုံးပါးပြီးအချိန်။ စီးပွားရေး အဆင်မပြေ ဝေလေလေ ဖြစ်နေချိန်ကာလမှာ မမနဲ့ ဆုံတွေ့ခဲ့ပြီး မမဘဝထဲကို ကျွန်တော် ရောက်ခဲ့တယ်နော်။ ခိုကိုးရာမဲ့ ကျွန်တော့ဘဝကို မမက အလုပ်အကိုင်ပေး နေစရာပေး စားစရာပေးနဲ့ ပျော်လိုက်တာ မမရယ်။ အလုပ်မရှိ အကိုင်မရှိ ကလေကချေဘဝနဲ့ ဦးတည်ရာမဲ့နေချိန်မှာ မမရဲ့ပြု စုမှု ကြောင့် ကျွန်တော့်ဘဝ သာယာစိုပြေလာတယ်။ မမနဲ့ အတူတူစား အတူတူသွားလာခဲ့ လုပ်ခဲ့ ကိုင်ခဲ့ရတဲ့ ရက်လနှစ်တွေဟာ ကျွန်တော်ဘဝအတွက် ပျော်ရွှင်ဖွယ်ရာ ကာလများပါပဲ။ ဘဝအတွက်ဘယ်တော့ မေ့မရတဲ့ ကျောက်တိုင်တွေပါပဲ။ မရောက်ဖူးတဲ့ဒေသတွေရောက်ရသလို မတွေ့မမြင်ဖူးတဲ့ အထိအတွေ့တွေ မကြုံဖူးတဲ့ ဘဝသင်ခန်းစာတွေ သင်ကြားခွင့်ရတာ မိတ်ကောင်းဆွေကောင်းတွေရ ပျော်လိုက် ရွှင်လိုက်ရတာ မမရယ်... မမ ကျေးဇူးက အတိုင်းအဆ မရှိပါပဲ။ ဒီနေရာမှာ မမကိုပြောရဦးမယ်။ မမကျေးဇူးတရားကို နားမလည်း ခြေကန်သွားသူ တချို့တလေကိုတွေ့မြင်ရတော့ စိတ်မကောင်းပါဘူး မမရယ်။ တခါတလေ မဟုတ်တမ်းတရမ်း သဘောတရားတွေနဲ့ မမကို ယိုးစွပ်ပြီး မြင်နေ ကြားနေရတော့ ကျွန်တော့ရင်ထဲ မချိအောင်နာတယ် မမရယ်။ ဒါကတော့ ဆန်ကောင်းထဲမှာ ကြွက်ချေးလေးတွေ အနည်းနှင့်အများ ပါတတ်တာ သဘော သဘာဝပါ မမရယ်။ လက်တောင် အတိုအရှည် မညီညာဘူးလေ။ ကိုယ့်စေတနာ ကိုယ်အက်ျိုးပေးကြမှာပါ မမရေ ဒီအချိန်ဟာ သူတစ်ပါးကောင်းတာ မကောင်းတာကို ဝေဖန်နေရမယ့် အချိန်မဟုတ်တော့ပါဘူး။ ကိုယ်ကောင်းအောင်ပဲ နေရမယ့်အချိန်ဖြစ်နေပါပြီ။ ယခုချိန်ဟာ မမ ဘဝက ကြံ့ခိုင်မှု အားနည်းနေပြီ မဟုတ်လား.. ကိုယ်တွင်းရနံ့သင်းတဲ့သူများက မမအနားမှာ အများစုပါ မမရယ်။ သူ့တို့ရဲ့စေတနာမေတ္တာတွေကြောင့် မမ ဘဝ သာယာစိုပြေလာပါလိမ့်မယ်။ ယုံလည်းယုံကြည်ပါတယ်။ ဖြစ်ပါစေလို့လည်း ဆုတောင်းပါတယ် မမရယ်။ ကဲ မမရယ် စာလည်းရှည်သွားပြီ လွမ်းတမ်းမှုတွေ တထွေးတပိုက်နဲ့ ပြောနေပေမယ့်လည်း ခွဲခွာခြင်းက ရောက်လာခဲ့ပြီ မမရယ်။ အချိန်တွေကို နောက်ကို ပြန်ဆုတ်ချင်လည်း ခွဲခွာခြင်းက ရောက်လာခဲ့ပြီ မမရယ်။ နောင်ပြန် ပြန်ပြီး တွေ့ရမှာပဲဆိုပေမယ့်လည်း ခွဲခွာခြင်းက ရောက်လာခဲ့ပြီလေ။ အခုချိန်မှာ အရာရာကို မေ့ပျောက်ပစ်ချင်လိုက်တာ မမရယ်။ ဘာပဲ ဖြစ်ဖြစ် လူ့ဘ၀ရဲ့ နေ၀င်ချိန်မှာ အဖိုးအို တစ်ယောက် တုတ်ကောက်လေဆွဲပြီး တုန်ချိ တုန်ချိနဲ့ လမ်းလျှောက်ရနေရတော့မှာပေါ့... အဲဒီ အဖိုးအို တစ်ယောက်ကို မြင်တွေ့ရင် ဟွန်းသံရှည်လေး တချက်ပေးကာ နှတ်ဆက်လာခဲ့ရင်ဖြစ် ဝမ်းသာပီတိ ကျေနပ်အားရှိပါပြီ လို့ ပြောပါရစေ "မမ"ခေါ် မြန်မာ့မီးရထား ရယ်... (2.9.2018 နေ့ ပင်စင်ခံစားအနားယူခြင်း အမှတ်တရ) တိုဟူး တိုဟူး

#ဘာလုပ်နေလဲ

ပြည်သူတွေ အသိချင်ဆုံးမေးခွန်း တစ်ခုရှိတယ်။

ဗိုလ်ချုပ်မှူးကြီးဟောင်း ဦးသန်းရွှေကြီး အနားယူတော့ ဘာလုပ်နေလဲတဲ့။

ပြည်တွင်းမက ပြည်ပက လူတွေပါ အသိချင်ဆုံးမေးခွန်းဖြစ်ပါတယ်။

ဟုတ်ကဲ့ ဒီနေ့ ကျုပ်သိသမျှ ဖြေပါမယ်။

ကျုပ်က နေပြည်တော်မှာ ဆယ်စုနှစ်ချီ နေထိုင်ခဲ့လေတော့ ကောင်းကောင်းသိပါတယ်။

မဖြေခင် တိုဟူး တိုဟူး အကြောင်း အရင်ပြောပြပါရစေ။ ဒါမှ လိပ်ပတ်လည်မယ်။

ဒါဖြစ်ရင် တိုဟူး တစ်ယောက်ကောတဲ့။

ခင်ဗျားတို့တော့ မသိဘူး။

ကျုပ်ကတော့ နေပြည်တော်မှမွေးရပ်မြေကို ၂၀၁၇မှာ ပြန်လာခဲ့တယ်။

ပြန်လာပြီး ပင်စင်ယူပြီးတာနဲ့ ပင်စင်"နာ"ဖြစ်ရတယ်နော်။

ဘုန်းကြီးလူထွက်သလို ဟိုယောင်ယောင် ဒီယောင်ယောင် မလုပ်တတ်မကိုင်တတ် တကယ် ပင်စင်နာပါပဲ။

အလုပ်က စအနားယူသည့် ပင်စင်နာ တစ်ယောက် အတွက် ပထမဆုံးသောနေ့ရက်များဟာ ယောင်ခြာခြာနဲ့
အချိန်တွေကုန်ဆုံးပြီး အထီးကျန်တဲ့ဝေဒနာကို အဖေါ်ပြုရတာပါပဲ။

အလုပ်ပေါ်က ရယူလိုမှု ခံစားလိုမှုထက် နှစ်ပေါင်းများစွာလုပ်ခဲ့ရတဲ့ ဌာနကိုသံယောဇဉ်ကြိုးက မပြတ်နိုင်လေဘူးပေါ့။

ဘဝတသက်တာအတွက် လုပ်ငန်းခွင်မှ အပြီးအပိုင်နှတ်ဆက်ခံရခြင်းနှင့် အတူ လုပ်ဖေါ်ကိုင်ဖက်
မိတ်ဆွေ အပေါင်းအသင်းများရဲ့ ခွဲခွာခြင်းကို တပြိုင်တည်း ဆုံရလေတော့
ပင်စင်နာတစ်ယောက်ဘဝဟာ အမိမဲ့သား ရေနည်းငါးလိုပါပဲ။

မစိုပြေလေတော့ဘူးပေါဗျာ။

ကျုပ် လက်ရှိနေထိုင်ရာ ပတ်ဝန်းကျင်ကလည်း နှစ်ပေါင်များစွာခွဲခွာခဲ့သည့်ဒါဏ်ကြောင့်
လူစိမ်းများပြီး လေစိမ်းတွေ တိုက်နေသလိုပါပဲ။

ကုန်လွန်ခဲ့လေသောအချိန်များကို တွေးတောရင်း ရှေ့ဆက်ရမည့် ဘဝခရီးအတွက်
စိတ်ဖိစီးမှုကလည်း ရင်ထဲမှာပေါ်လိုက် ပျောက်လိုက်ပါပဲ။

ဒီအချိန်မှာ အဖေဖြစ်သူရဲ့သောကကို ခြေရာခံမိတဲ့ အဝေးရောက်သားက
ထူးထူးခြားခြား ခွင့်တစ်လယူပြီး ပြန်လာတယ်။

မိသားစုတွေဆုံရအောင်ပေါ့။

ကျောင်းတက်နေတဲ့သားကလည်း ကျောင်းကိစ္စမပြီးခင် ခေတ္တ ခဏပြန်ခဲ့တယ်။

မိသားစု သိုက်သိုက်ဝန်းဝန်းဆုံရလေတော့ ပင်စင်နာတစ်ယောက်ရဲ့သောကတွေ ကြက်ပျောက်ငှက်ပျောက်ပါပဲ။

ပျော်လိုက်တာ အတိုင်းမသိပါပဲ။

ထိုထက်ပျော်ရွှင်ရတာက သားရဲ့လက်ဆောင်။

ကြိုက်တဲ့စာဆို ထမင်းမေ့ ဟင်းမေ့ဖတ်တတ်တဲ့ စာချစ်သူ အဖေ့အတွက် မတူညီသောစာအုပ်လေးအုပ်။

သားရဲ့လက်ဆောင် စာအုပ်ပါ။

ကျေးဇူးတင်လိုက်တာ သားရယ်။

ဟုတ်တာပေါ့ဗျာ။ ပင်စင်နာတစ်ယောက်အတွက် ဒီအချိန်ဟာ စာအုပ်ဟာ အကောင်းဆုံးအဖေါ်မွန်ပါပဲ။

စိတ်ရဲ့ထွက်ပေါက်ပဲ။

လောကဓံကို ခံနိုင်ရည်ရှိဖို့ စာဖတ်ရပါမယ်..

စိတ်ဖိစီးမှုသက်သာဖို့ စာဖတ်ရပါမယ်..

ကိုယ်ချင်းစာစိတ်ဖြစ်လာဖို့ စာဖတ်ရပါမယ်..

စိတ်ကောင်းရှိဖို့ စာဖတ်ရပါမယ်..

လူညံ့မဖြစ်ဖို့ စာဖတ်ရပါမယ်..

လူတော်လူကောင်းဖြစ်ဖို့ စာဖတ်ရပါမယ်..

လောကတိုက်ပွဲ မကျရှုံးဖို့ စာဖတ်ရပါမယ်...

- -- - -စာဖတ်ရပါမယ်

- -- - - စာဖတ်ရပါမယ်

ဒါကြောင့် ဦးသန်းရွှေကြီး ဘာလုပ်နေလဲ ဆိုတော့ ဟုတ်ကဲ့ ဦးသန်းရွှေကြီး စာဖတ်နေပါတယ်။

ထို့အတူ တိုဟူး လည်းစာဖတ်နေပါတယ်ဗျာ...လို့

တိုဟူး တိုဟူး 4.11.2018

သူတို့အမြင်.....

ဗုဒ္ဓဘာသာဆိုတာ ဘာသာမဟုတ်ဘူး…. ဟု ဆိုတဲ့… လက်ဘနွန်နိုင်ငံသူ ခရီးသွား စာရေးဆရာမ… အီလင်း ယူဆွတ် ရဲ့ ဗုဒ္ဓဘာသာအပေါ် အမြင်ပါ။

အမြင်တူညီသည်ဖြစ်စေ မတူညီသည် ဖြစ်စေ ကိုယ်ကိုးကွယ်သည့် ဘာသာအပေါ် ဘာသားခြားတစ်ယောက်၏ လေ့လာသုံးသပ်ချက်ကို ဖတ်သင့်တဲ့ ဗဟုသုတ အနေဖြင့် မျှဝေလိုက်ပါတယ်။

တိုဟူး တိုဟူး

===================================

“ငါဘုရားရဲ့ တရားတွေကို တွေးကြံနိုင်စွမ်းရှိသူတွေပဲ သိနိုင်မယ်” — ဗုဒ္ဓ
ကျမက ဘာသာတရား ကိုင်းရှိုင်းလှတယ်မဟုတ်၊ ဗုဒ္ဓတရားကိုပဲ ကျင့်ကြံတယ်လို့ ပြောမိတိုင်း မေးခွန်းပေါင်းများစွာ ပြန်လာလေ့ရှိတယ်။

ကမ္ဘာပေါ်မှာ ဗုဒ္ဓတရားကို ဘာသာ တရပ်လို့ အများက သတ်မှတ်ထားပေမယ့် ကျမအတွက်တော့ ဒီလို မဟုတ်ဘူး။ ပွင့်ပွင့်လင်းလင်း ဆိုရရင်၊ ဒီတရားအကြောင်းကို ဘာမှမသိခင်၊ ဒီ အတွေးအမြင်နဲ့ ထုံးထမ်းတွေကို အတွင်းကျကျ မလေ့လာမိခင်တော့ ကျမလည်း ဒီလိုပဲ ထင်ခဲ့တယ်။

ပထမဆုံးအနေနဲ့ “ဘာသာ” ဆိုတာကို အဓိပ္ပါယ် ဖွင့်ရရင် “ယုံကြည်၊ ကိုးကွယ်ရာ စနစ် တခု” နဲ့ “လူသာမာန် မဟုတ်၊ တန်ခိုးရှင် ဘုရားသခင်ကို ယုံကြည်မှု” ဆိုရမယ်။ အိန္ဒိယနဲ့ နီပေါကို ခရီးထွက်ပြီး အဲဒီက ဗုဒ္ဓကျောင်းကန်တွေကို လေ့လာကြည့်မိမှ ဗုဒ္ဓဘာသာဆိုတာ ယုံကြည်မှုအပေါ်အခြေခံတဲ့ စနစ် မဟုတ်သလို တန်ခိုးရှင်အပေါ်မှီတဲ့ အဖွဲ့အစည်းလဲ မဟုတ်တာတွေ သတိပြုမိလာတယ်။

ဗုဒ္ဓဘာသာဝင်တွေအနေနဲ့ ဗုဒ္ဓကို တန်ခိုးရှင် အဖြစ် မသတ်မှတ်ပါဘူး။ သူတို့အတွက်တော့ ဗုဒ္ဓဟာ ကမ္ဘာပေါ်က တခြားသူတွေလိုပဲ လူသား တယောက်ပါပဲ။ ဒါပေမယ့်… သူဟာ ဒုက္ခတွေရဲ့ အကြောင်းရင်း အရှုပ်အထွေးကြီးကို ထုတ်ဖေါ် ရှင်းလင်းခဲ့ပြီး၊ အဲဒီ အရှုပ်အထွေးက လွတ်ရာ လွတ်ကြောင်းအတွက် တိကျသေချာတဲ့ လမ်းကို ပြခဲ့တယ်။

အခုလို သဘာဝ ဓမ္မနဲ့ သံသရာက လွတ်ကြောင်းတွေ ပြသခဲ့တာတောင်၊ သူ့ကို ကိုးကွယ်တာ၊ ဝတ်ပြုဆုတောင်းတာတွေ မလိုချင်ဘူးလို့ အလေးအနက် ဆိုခဲ့သေးတယ်။ တခုပဲ သူတောင်းဆိုတာက … သူ့ရဲ့ တရားတွေကို စူးစမ်းစိတ်ဖြာကြည့်ပါ၊ ကိုယ်နဲ့ ကိုက်ညီရင် ယူပြီး ကျင့်သုံးပါ။ အဲဒီလို မဟုတ်ရင် ဒီတရားကို လက်မခံဖို့ အခွင့်အရေး အပြည့်အဝရှိတယ်။

ဘုရားကျောင်းကန်တွေမှာ ရိုးရာနဲ့ ဘာသာရေး အခမ်းအနားတွေ တွေ့နိုင်ပေမယ့်၊ ဒါတွေဟာ ဝတ်ပြုတာတွေကို အခြေခံတာ မဟုတ်ဘူးလို့ ကျမကို ရှင်းပြတယ်။ “ဝတ်ပြုပွဲ” တွေအဖြစ် ကျမတို့ တွေ့ရတဲ့ အစီအစဉ်တွေဟာ အမှန်တရားကို ဖေါ်ထုတ်သွားတဲ့ လူ တယောက်ကို လေးစား ကျေးဇူးတင်ကြောင်း ပြတာတွေပါပဲ။ ကျမတို့ ကြားနေကြ ဆုတောင်း ရွတ်ဖတ်စာတွေတောင် တကယ်က သတ္တဝါ အားလုံးကို ချွင်းချက်မရှိ အကြင်နာ မေတ္တာ မျှဝေတာတွေပါပဲ။

ဗုဒ္ဓတရားကို ထပ်ပြီး အသေးစိတ် လေ့လာကြည့်ရင် ဘာသာရေး ခေါင်းဆောင်ဆိုတာတောင် တကယ့်တော့ မရှိဘူးဆိုတာ အသေအချာ တွေ့ရမယ်။

Dzongsar Jamyang Khyentse Rinpoche (ဘူတန်လူမျိုး ဘာသာရေးဆရာ၊ ဒါရိုက်တာနဲ့ စာရေးဆရာ) အမြဲပြောသလို ဒလိုင်းလာမားဟာ တိဘက်လူမျိုးတွေအတွက် လောကီရေးရာ ခေါင်းဆောင်၊ ကမ္ဘာပေါ်က ဗုဒ္ဓဘာသာဝင်တွေအပါ အဝင် လူအများရဲ့ အယူဝါဒဆိုင်ရာ ဦးဆောင်သူ ဆိုတာတောင် သူ့အနေနဲ့ ဗုဒ္ဓဘာသာရဲ့ အာဏာပိုင် မဟုတ်သလို ဘယ်သူက ဗုဒ္ဓဘာသာဝင် အစစ်၊ ဘယ်သူက ဗုဒ္ဓဘာသာဝင် အတုဆိုတာတွေ၊ ဘယ်သူတွေက အပြစ်သားတွေ၊ ဘယ်သူတွေကတော့ အပြစ်သားမဟုတ်ဘူး ဆိုတာတွေပါ ဆုံးဖြတ်နိုင်တဲ့ အာဏာ မရှိပါဘူး။

ဒီတော့ ဗုဒ္ဓဘာသာက ဘာသာ မဟုတ်ရင် ဘာလဲ။

ကျမ အမြင်အရ ဗုဒ္ဓဘာသာဆိုတာ ဘဝနေနည်း၊ လောက အမြင်နဲ့ လောက သဘာဝ ဓမ္မ တွေပါပဲ။

မရှက်တမ်း ဝန်ခံရရင် ဗုဒ္ဓဘာသာကြောင့် ကျမကြီးပြင်းခဲ့တဲ့ ဘာသာအပြင် ကမ္ဘာ့ ဘာသာတရားတွေကို ပိုမြင်တတ်လာတယ်။ ဗုဒ္ဓတရားနဲ့ မတွေ့ခင် “ကျမ်းစာအုပ်” ဆိုတာ ကျမအတွက်တော့ တရုတ်စာ ဖတ်နေရသလို ဖြစ်မိတယ်။

ဘာကြောင့် ဝတ်ပြုရတယ်၊ ဘာသာရေးထုံးတမ်းတွေ ဘာကြောင့် လုပ်ရတယ်၊ ဘာသာရေး ဆရာတွေရဲ့ သင်ကြားချက်တွေကို တကယ်နားမလည်ပဲ ဘာကြောင့် လိုက်နာရတယ် ဆိုတာတွေအတွက် အဖြေရှာမရဘူး။ ဗုဒ္ဓတရားနဲ့ မတွေ့ခင်အထိ ကျမဟာ ဘုရားသခင်အပေါ် ကိုးစားမှီခိုရသူ ဖြစ်ခဲ့တယ်။ ကျမ ခန္ဒာရဲ့ အပြင်မှာ တောက်ရှောက် ရှာလာခဲ့တော့ ကျမကို ကျမ ရှာမတွေ့နိုင်ခဲ့ဘူး။

ဗုဒ္ဓတရားကြောင့် အတွင်းကို ပြန်ကြည့်တတ်လာတယ်။ ဗုဒ္ဓတရားကပဲ ကျမရဲ့ လွတ်လပ်မှုနဲ့ သတိကို သင်ပေးတယ်။ ဗုဒ္ဓတရားကပဲ ကျမကို ကျမ ဆင်ခြင်နိုင်ဖို့၊ တန်ခိုးရှင်ကို အားမကိုးပဲ ကိုယ့်အပြုအမူ၊ အတွေးအကြံနဲ့ ခံစားမှုတိုင်းကို ကိုယ်တိုင် တာဝန်ယူနိုင်ဖို့နည်းလမ်းတွေ ကူညီခဲ့တယ်။

ဗုဒ္ဓတရားကြောင့် ဘုရားသခင်ဆိုတာ ကောင်းကင်ဘုံကနေ ကျမတို့ကို ဆုံးဖြတ် စီရင်မယ့်သူ မဟုတ်တာ သိမြင်လာတယ်။ ကိုယ်နဲ့ ဘုရား နှစ်ခုကွဲ ဘဝကို အဆုံးသတ်နိုင်ခဲ့ပြီး ဘုရားဆိုတာ လူတိုင်း၊ အရာဝတ္ထတိုင်း နေရာတိုင်းမှာ ကိန်းဝပ်တယ် ဆိုတာလည်း ဆင်ခြင် နိုင်ခဲ့တယ်။ ဘုရားဆိုတာ အပြင်မှာ မဟုတ်၊ လက်လှမ်းမမီနိုင်တဲ့ အရာလည်း မဟုတ်၊ ကိုယ်တွင်းမှာ ရှိတဲ့ တရားသာ ဖြစ်ပါတယ်။
ဒါဖြင့် ဘာလို့ ဗုဒ္ဓတရားကို လေ့လာကြည့်ဖို့၊ ဒါမှမဟုတ် ကျင့်ကြံကြည့်ဖို့ လိုသလဲလို့ တွေးမိကြမှာပါပဲ။ ဒါကတော့ တယောက်စီရဲ့ ခံယူချက်၊ ဆုံးဖြတ်ချက်တွေ ပေါ်မှာပဲ မူတည်တယ်လို့ ယုံကြည်တယ်။ ဒါပေမယ့် ကြီးမြတ်တဲ့ နှလုံးသားနဲ့ ဖွင့်ထားတဲ့ စိတ်ကြောင့် အသိ တိုးလာမယ်၊ တွေးတော ကြံဆ လာနိုင်မယ်ဆိုတာ အရှုံးမရှိတဲ့ ကိစ္စလို့လည်း ယုံကြည်တယ်။

ဗုဒ္ဓဘာသာရဲ့ တခြားဘာသာတွေနဲ့ မတူတဲ့ အချက်က ဘာသာဝင်တွေအနေနဲ့ သူ့တရားကိုပဲ ဖက်တွယ်ထားရမယ်လို့ မဆိုထားဘူး။ ဗုဒ္ဓဘာသာဝင် တယောက်အတွက် တပါးသူတယောက်က ဘယ်က လာတယ်၊ ဘာကိုယုံကြည်ပြီး ဘာကို ကိုးကွယ်သလဲ ဆိုတာတွေက အရေးမပါဘူး။ သူတို့ အလေးထားတာက သင့်အနေနဲ့ “အရာတိုင်းဟာ မမြဲဘူး” ဆိုတဲ့ ဓမ္မကို မြင်နိုင်ဖို့ဆိုတာပဲ။ (စကားချပ်၊ ဥပမာ ဦးဂိုအင်ကာရဲ့ ကမ္ဘာ အနှံ့က တရား စခန်းတွေမှာ ဗုဒ္ဓဘာသာဝင်ပဲ လာရမယ်လို့ မရှိဘူး၊ ဗုဒ္ဓဘာသာဝင် ဖြစ်လာဖို့လည်း မတိုက်တွန်းဘူး။ တရားပြသူတွေကလည်း ဘုန်းကြီးတွေ မဟုတ်ဘူး)။

ဗုဒ္ဓတရားကို လေ့လာကြည့်တာ အကျိုးများပါတယ်။ ဘာလို့လည်းဆိုတော့ သူ့ရဲ့ပန်းတိုင်ကကို ဘာသာကို အကျိုးရှိအောင် မဟုတ်ပဲ ကျင့်ကြံသူကို အကျိုးရှိစေဖို့ ဖြစ်လို့ပါပဲ။ ဗုဒ္ဓတရားရဲ့ အကျိုးတွေကတော့ သဘာဝ ဓမ္မ၊ ဘဝ ရလာပုံနဲ့ မိမိကိုယ်ကို တကယ် နားလည်လာမယ်။

Dzognsar Khyentse (ဘူတန်လူမျိုး ဘာသာရေးဆရာ၊ ဒါရိုက်တာနဲ့ စာရေးဆရာ)

(ဘာသာရေးခွန်) ဘယ်ကို ပေးသင့်တယ်၊ သူခိုးကို ဘယ်လို အပြစ်ပေးရတယ် စတဲ့ လောကီရေးရာ ပြဌာန်းချက်တွေမဟုတ်ဘူး။ ဗုဒ္ဓတရားမှာ မင်္ဂလာ ဘယ်လိုဆောင်ရမယ်ဆိုတဲ့ ထုံးတမ်း သတ်မှတ်ချက်တောင် ရှိတာ မဟုတ်ဘူး”။

ဗုဒ္ဓအနေနဲ့ လူတွေ ကြားချင်တာ ပြောခဲ့တာ မဟုတ်ပါဘူး။ သဘာဝဓမ္မကို မြင်နိုင်အောင် အလင်းဖွင့်ပေးခဲ့ရုံပါပဲ။
သင်လည်း မြင်နိုင်ဖို့ အဆင်သင့် ဖြစ်ပြီလား။

CREDIT TO >>> Nyein Khant (ဘာသာပြန်သူ)