တိုလီ မိုလီမေးခွန်းများ

တိုလီ မိုလီ မေးခွန်းများ
==============
ယခုတလော ကျု ပ် ပတ်ဝန်းကျင်မှာ
ဟိုအမတ်လောင်း ကလည်း သူ့ကို မဲပေးပါ--
ဒီအမတ်လောင်း ကလည်း သူ့ကို မဲပေးပါနဲ့ တရားဟောနေလိုက်တာ ဆူညံနေတာပါဘဲဗျာ။
ဒီမှာ ကိုရွှေ အမတ်လောင်းကြီးတို့-ကျုပ်ပြောမယ်။ ကျု ပ်တို့ကို ရှည်ရှည် ဝေးဝေး လာပြီး တရားဟော မနေပါနဲ့။ နားမျက်စိဖွင့်ထားသည့်လူတိုင်းက တရားဟောစရာ မလိုပါဘူးဗျ။ မဲပြာဇာတ်ထုတ်တွေက အခါတရာ ကြည့်ပြီးသားပါ။
အခု လူတိုင်းလိုချင်တာက
-ဇာတ်လမ်း အသစ်
-ဇာတ်ညွှန်းအသစ်။
-မင်းသား မင်းသမီး အသစ်ဗျ။
ထားပါ- လူကြီးမင်းကို ကျု ပ် မဲပေးမယ်ဗျာ။
တခုတော့ ရှိတယ် ကျု ပ်မေးတဲ့ မေးခွန်းတွေ အရင်ဖြေပါဦး--။
မင်းက ဘာကောင်လည်းလို့တော့ ပြန်မမေးနဲ့နော်။
အမေး နွားကျောင်းသား-အဖြေ ဘုရားလောင်း ဆိုတဲ့စကားရှိတယ် မဟုတ်လား။
မဲလိုချင်ဖြေပေါ့ဗျာ။
ကဲ-မေးမယ်
၁။ လူကြီးမင်း ပိုင်ဆိုင်မှု ကို ဖေါ်ပြရဲပါ သလား- -ဖေါ်ပြရဲတယ်ဆို ဘယ်ပုံဘယ်နည်းနဲ့ ပိုင်ဆိုင်ခဲ့တယ်ဆိုတာ ကိန်းဂဏန်းနဲ့တကွ တွက်ချက် ပြနိုင်မလား။
( ဘိုးဘွားပိုင် ယောက္ခမပိုင် ယောက္ဖပိုင် စမော ပိုင် ပစ္စည်းဆိုပြီး အမွှေခွဲထားတဲ့ စာရင်းကို နှတ်ပါယ်ထားလျှင် နံပါတ် ၂ မေးခွန်းကို ဆက်မဖြေပါနဲ့ )
၂။လူကြီးမင်း- အစိုးရဝန်ထမ်း(ပြည်သူ့ဝန်ထမ်း) လုပ်ခဲ့ဘူးတယ်ဆိုရင် လူကြီးမင်း လုပ်သက်တလျှောက် အထက်လူကြီးရဲ့ တချို့သော မှားယွမ်းနေသည့် အမိန့်အာဏာကို မှားနေပါတယ်ဆိုပြီး ဘယ်နှစ်ခါ ထောက်ပြ ဝေဖန် ကန့်ကွက်ခဲ့ဘူး ပါသလဲ။
( ဒီနေရာမှာ လက်ညှိုးထောင် ခေါင်းငြိမ့် ယောကျာ်းယိမ်းလိုက် ဘာသား ယိမ်းလိုက်ဆိုလျှင် ရူးချင် ယောင် ဆောင်ပြီး ဤမေးခွန်းကို မဖြေချင်လည်းနေပါ။)
၃။ကျွမ်းကျင်ရာလိမ္မာဆိုတဲ့ သဘောကို လက်ခံပါ သလား။
နွားကျောင်းသားကို တရားသူကြီးလုပ်ခိုင်းပြီး တရားသူကြီးကို နွားကျောင်းခိုင်းရင် လူကြီးမင်း လက်ခံမလား။ဘာကြောင့်လဲ။
(ကျွမ်းကျင်ရာလိမ္မာဆိုသလို စောရ နက္ခ ဗီဇ ရှိသူဖြစ်လျှင် ဆက်မဖြေချင်နေပါ )
၎။မြန်မာနိုင်ငံကို အင်္ဂလိပ်က နှစ်ပေါင်းတရာ အုပ်ချုပ်ခဲ့တယ်။ အမျိုးဘာသာ သာသနာ မပျောက်ပျက်ခဲ့ပါဘူး။ ၅နှစ်ဘဲ အုပ်ချုပ်မဲ့ သူကြောင့် အမျိုးဘာသာ သာသနာ ပျောက်ကွယ်မယ် လို့ထင်ပါသလား။
ဘာကြောင့်လဲ။
(ဒီနေရာမှာ လူကြီးမင်းရဲ့ချစ်သမီးကို လူမျိုခြားးနဲ့ ပေးစားဘို့ အစီအစဉ်ရှိနေလျှင် ဤမေးခွန်းကို မဖြေလည်းရပါသည်။ ကျော်သွားပါ)
၅။အကယ်၍ ရွှေတိဂုံစေတီတော် ဘုရားကြီး တောင်ကုန်းအောက်၌ ရွှေချိန်တန် သန်းနှင့် ချီသော ရတနာသိုက်ကြီးရှိသည်ဆိုပါစို့။ လူကြီးမင်း ဘာလုပ်မည်လဲ။
(ဘုန်းကြီးများကို မီးလောင်ဗုံးနှင့်ထု သင်္ကန်းဆွဲချွတ်ထောင်ချ လယ်တီသိမ် ဖြိုချ--စသည်တို့ တွင် တနည်းနည်းဖြင့် ပါဝင် ပါတ်သက်ဘူးပါက သင့်ရဲ့လုပ်ရည် ကိုင်ရည်ကို သဘောပေါက်ပါသဖြင့် ဆက်မဖြေပါနဲ့)
၆။ တိုင်းပြည် ဖွံ့ဖြိုးရေးမှာ ပညာရေးဟာ အဓိကပါဝင်တယ် ဆိုတဲ့ အဆိုကို လက်ခံပါ သလား။
လက်ခံသည်ဆိုလျှင် တိုင်းပြည် ပညာ ဖွံ့ဖြိုးရေးအတွက် ဆောင်ရွက်နေတဲ့ ကျောင်းသား လူငယ်တွေကို ဖမ်းဆီး ထောင်ချနေခဲ့သည့် အပေါ် ဘယ်လိုမြင်ပါသလဲ။
(အကယ်၍ လူကြီးမင်း သား/သမီး နိုင်ငံခြားမှာ ပညာသင်နေသည် ဆိုလျှင် နောက်မေးခွန်းကို ဆက်မဖြေပါနဲ့ )
၇။ ဧရာဝတီမြစ်ဆုံ ရေအားလျှပ်စစ် စီမံကိန်း ကိစ္စ ဆက်လုပ်သင့် / မသင့် ဘယ်လို သဘောရပါသလဲ။ ဘာကြောင့်လဲ။
(ဒေါ်လာသန်းချီ ပိုက်ဘောမိထားသည်ဆိုလျှင် ဆက်မဖြေပါနဲ့ ။လူကြီးမင်းသည် ဆယ်သက်စား မကုန် ချမ်းသာနေသော လူတန်းစား စာရင်းတွင် ပါဝင်သောကြောင့် အမတ် အဖြစ် ဒုက္ခ ခံမနေပါနဲ့)
၈။လယ်ယာမြေများကို သိမ်ဆည်း ခံထားရသဖြင့် ငိုချင်းတေးများ အဆက်မပြတ် သီဆို ဟစ်ကျွေးနေသည့် တောင်သူ လယ်သမားများကို လူကြီးမင်း ဘယ်လို မြင်ပါသလဲ-ဘယ်လိုဆောင်ရွက်ပေးနိုင် မလဲ။
(လူကြီးမင်းသည် မြေကွက်ဝေစုကို ရယူထားခြင်း လက်လွှဲရောင်းတုတ်ထား သူဖြစ်သည် ဆိုလျှင် နောက်မေးခွန်းကို ဆက်မဖြေပါနဲ့ )
၉။ သဘာဝ ပတ်ဝန်းကျင်ပျက်စီးဆုံးမှု များကြောင့် ရာသီဥတု ဖေါက်ပြန်ကာ ရေကြီးရေလျှံ မှု များဖြစ်ပြီး သဘာဝကပ်ဘေး ဆိုက်နေသည် ဆိုတဲ့ အဆိုကို လက်ခံပါသလား။
‌(သစ်ထုတ်လုပ်ခွင့် လိုင်စင် ပရမ်းပတာ ထုတ်ပေးခဲ့သူ(သို့) ရရှိခဲ့သူ( သို့) သစ်အစားထိုး ကြက်ဆူပင် စိုက်ပျိုးခဲ့သူ (သို့)ဆည်မြောင်း ရေကာတာ ဖြစ်သလို တည်ဆောက်ခဲ့သူ ဖြစ်လျှင် မဖြေပါနဲ့)
၁၀ ။ ပြည်တွင်းစစ် တာရှည်မှုကြောင့် တိုင်းပြည်ဆင်းရဲနေတယ်လို့ ဆိုတယ်။ အဲဒီလိုဆို ပြည်တွင်းစစ် တာရှည်အောင် ဘယ်သူတွေက ဖန်တီးနေသလဲ။ ဘာကြောင့် လဲ။
(လူကြီးမင်းသည် နားတဖက်သာ ကောင်းမွန်စွာ ကြားရပြီး မျက်စိ အဝေးမှုံနေသူဖြစ်လျှင် ဤမေးခွန်းကို မဖြေလည်းရပါသည်။)
နောက်ဆုံးမေးခွန်း တခုဘဲမေးမည်။
၁၁။နောက်ဆုံးမေးခွန်းကတော့ ဟာသလို့ ဆိုချင်ဆို ကလေး ကုလားပြောချင်ပြောတော့။
     လူကြီးမင်း သည် အသံမျိုးစုံဖြင့် ဆူညံနေသော လူဘုံအလည်တွင် ကုလားထိုင်ပေါ်၌ ထိုင်၍ နှစ်နှစ်ခြိုက်ခြိုက် အိပ်စက်တတ်ပါသလား။
(မအိပ်စက်တတ်ပါက လူကြီးမင်းသည်ခေတ်မမှီ သောအမတ် အဖြစ် တန်းမဝင်နိုင်ပါ သဖြင့် မလုပ်သည်က ပိုမိုကောင်းမွန်မည်ဟု ကျွန်ုပ် အကြံပြုလိုပါသည်။)