မဖတ်ရသေးသူအတွက် ပြန်တင်လိုက်ပါတယ်
မျက်လုံးပြူးသွားသောဇနီးမောင်နှံ
=====================
မမ တာဝန်ဖြင့် ရက်ရှည်လများခရီးထွက်ရာမှ ပြန်လာသော ကိုပြာလောင်မှာ သားနှစ်ဦးဖြင့် အိပ်ယာထဲတွင် စခြင်း နောက်ခြင်းဖြင့် စကားပြောနေလေသည်။
"ဟဲ့ သားတို့ အိပ်တော့လေ နင့်တို့ အဖေ တနေကုန် ရထားစီးပြီး ပြန်လာလို့ ခရီးပမ်း နေတယ်ဆိုတာ နားမလည်ဘူးလား"
မဟေသီ၏ ဟောက်သီးကျွေးသံကြောင့် စကားတွတ်ထိုးနေသော ကိုပြာလောင်တို့ သားအဖမှာ စကားပြောခြင်းများ ရပ်ကာ အိပ်လိုက်ကြသည်။
သားငယ်နှစ်ယောက်မှာ ကလေးများ၏ သဘာဝအတိုင်း အပူအပင် အကြောင်းအကျ ကင်းသဖြင့် တခဏခြင်း အိပ်ပျော်သွား သော်လည်း ကိုပြာလောင် မှာ အိပ်မပျော်သေးချေ။
တခုခု လိုနေသလိုလို ဖြစ်နေသည်။
ချစ်ဇနီးသည် အိပ်ယာအဝင်ကို စောင့်ရင်း စာဖတ်နေလိုက်တယ်။
ခဏကြာတော့ အိပ်ချင်သလိုလိုဖြစ်လာတယ်။
အလိုက်မသိသော မဟေသီက အရေးထဲ ပုတီးစိတ်နေသည်လား သုံးလုံးဂဏန်း အာရုံခံနေသလားမသိ။
ဘုရားခန်းမှ တော်တော်နဲ့ ထွက်မလာသေးချေ ။
ကိုပြာလောင် စိတ်မရှည်ချင်သလို ဖြစ်လာသည်။
ဘာရမလဲ -- ကိုပြာလောင် တလောင် ဘဲရှိတယ်။
ဖတ်နေတဲ့ စာအုပ်ကို ကြမ်းပြင်ပေါ် ဘုတ်ကနဲ အသံမြည်အောင် ပြစ်ချလိုက်ပြီး ပါးစပ်ကလည်း "အား " လို့ မတိုးမကျယ် အော်ချ လိုက်တယ်။
ပုတီးစိတ်လို့ သမာဓိ အားကောင်းနေပါတယ် ဆိုတဲ့ မဟေသီက စိုးရိမ်တကြီး အခန်းထဲ အပြေးဝင်လာခဲ့ တယ်ပေါ့။
ကိုပြာလောင်ရဲ့ လုပ်ဆောင်ချက်ကို ရိပ်မိသွားတဲ့ မဟေသီက စပ်ဖြဲဖြဲနဲ့။
" ဟွန်း--ဘာဖြစ်တာလဲလို့ သူတော်တော် ဥာဏ်များ" တဲ့ ။
မဟေသီရဲ့ နှုးညံ့တဲ့ လက်သီးထုချက်နှင့်အတူ နဂါး မျက်စောင်း တချက်ကလည်း ကိုပြာလောင် အပေါ်ကျလာတယ်။
အရေးထဲ သားအငယ်ကောင်က အိပ်ယာထဲက ကုန်းထ ထိုင်နေတယ်။
" သား မအိပ်သေးဘူးလား အိပ်--အိပ်"
ကိုပြာလောင်က သားအငယ်ကောင်ကို ကျောသတ်ကာ ချော့သိပ်လိုက်သည်နဲ့ အိပ်ပျော်သွားတယ်။
မဟေသီက ပြုံးစိစိ နဲ့ ဘာ သဘောကျနေလဲ မသိ။
သားငယ် ပြန်လည်အိပ်ပျော်သွားပြီး ခဏ အကြာ
ဘာသံကြားလို့လဲ မသိချေ အိပ်နေရာမှ ဒုတိယအကြိမ် ထထိုင် နေပြန်တယ်။
" သားသား အိပ်အိပ် " ကိုပြာလောင်က ကျောပွတ်ပေးသည်နဲ့ အိပ်ပျော်သွားပြန်တယ်။
မဟေသီက ကိုပြာလောင် နဲ့ သားငယ်ကို တလှည့်စီကြည့်ပြီး လှောင်ပြုံး ပြုံးနေသည်။
" တောက်-- "
ကိုပြာလောင်၏ မကျေနပ်သည့် တက်ခေါက်သံက မပြင်းထန်လှသော်လည်း တိတ်ဆိတ်သော ညဥ့်ဦးယံမို့ ထင် ကျယ်လောင်လှသည်။
မဟေသီက ဘာအဓိပ္ပါယ်ကို ဆိုလိုသည် မသိ ကိုပြာလောင့် ဗိုက် ကိုဆွဲလိမ်သည်။
ရသည် ကိုပြာလောင် ငြိမ်ခံနေလိုက်သည်။
အကြီးကောင်ကတော့ အိပ်နေလိုက်သည်မှာ တုတ်တုတ်မျှ မလုပ်ပေ။
အိမ်မက်ကောင်း ကောင်း မက်နေသည်လား မသိ။
ဟွန်း--ဒီနှစ်ကောင်ကို ကြည့်ပြီး ကိုပြာလောင် တယောက် သက်ပြင်းရှည် တချက်ချ မိသလို ရင်မောနေမိတယ်။
အမောပြေမယ် ကြံကာရှိသေး---
ကိုပြာလောင်၏ အသက်ရှုသံ ပြင်းပြင်းကို ကြားလို့ လားမသိ-အငယ်ကောင်မှာ အိပ်နေရာမှ ထထိုင်နေပြန်သည်။
ကိုပြာလောင် စိတ်ထဲ နည်းနည်း တင်းသွားတယ်။
" ဟေ့ကောင် မအိပ်သေးဘူးလား "
ကိုပြာလောင်၏ အသံက လိုသည်ထက် ပိုကျယ်သွားလေလားမသိ။
ဒေါသသံပါ ရောစွတ်သွားသည်။
ကိုပြာလောင် ဒေါသကိုလျှော့ကာ သားငယ်ကို ကျောသတ်ကာ ချော့သိတ်နေလိုက်တယ်။
ထိုစဉ် ရုတ်တရက်ထွက်ပေါ်လာသော သား အကြီးကောင် ၏ စကားသံကြောင့် ကိုပြာလောင်ပင်မက ချစ်ဇနီးသည် မဟေသီပါ မျက်လုံးပြူးကာ အကြီးအကျယ် ထိတ်လန့် တုန်လှုပ် သွားပေတော့သည်။
" ရိုက်သတ်လိုက်စမ်းပါ အဖေရာ ဒီအတိုင်းကြည့်လည်း မြင်ရဲ့သားနဲ့-- ထထကြည့်နေတယ်" တဲ့။
ဟားတိုက်၍ ရယ်မောနိုင်ကြပါစေ
No comments:
Post a Comment